प्रथम माध्यमिक तह स्तरीय राष्ट्रव्यापी अभ्यास अदालत प्रतियोगिता सम्पन्न भएको छ । लेक्स नेपाल इन्स्टिच्युट अफ लको प्रस्तुती एवम् सुदूरपश्चि कानुन विद्यार्थी समाजको आयोजनामा माध्यमिक तहमा अध्ययनरत विद्यार्थीहरुलक्षित प्रतियोगिता सम्पन्न भएको हो । कक्षा १२ को परीक्षा दिएका एवम् कक्षा १२ मा अध्ययनरत विद्यार्थीहरुबीचमा अदालतमा गरिने बहस अभ्यासको प्रतियोगिता आयोजना गराएर आइतबार काठमाण्डौँमा एक कार्यक्रम बीच सम्पन्न गरिएको हो ।
प्रतियोगितामा केएमसी ललितपूरका विद्यार्थी आकृति कोइराला, अभिषेक दंगाल एवम् ऋत एकेडेमीकी विद्यार्थी रिगा शर्माको समूह प्रथम भएको छ भने एकराज बस्नेत, आचल यादव एवम् प्रलभ पराजुलीको समूह द्वितिय भएको छ । कार्यक्रममा प्रथम हुने समूहलाई पाँच हजार पुरस्कार र द्वितिय हुने समूहलाई तीन हजार पुरस्कार प्रदान गरिएको आयोजक संस्थाका अध्यक्ष दिपक जोशीले बताउनुभयो । त्यस्तै अभिषेक दंगाल प्रतियोगितामा उत्कृष्ट बहसकर्ता एवम् सत्यराज कार्की उत्कृष्ट अनुसन्धानकर्ताको रुपमा घोषित हुनुभयो । देशभर कानुन पढेका एवम् कानुन पढ्ने तयारी गरिरहेका विद्यार्थीहरुलाई बहसकला सिकाउने उद्देश्यले आयोजना गरिएको कार्यक्रमले विद्यार्थीलाई बहस गर्न प्रेरित गराएको अध्यक्ष जोशीले बताउनु भएको हो ।
प्रत्येक समूहमा ३ जना गरी २० जना समूह सहभागी भएको उक्त प्रतियोगितामा सहभागीहरुले बहसकला देखि मस्यौदा लेखन समेतको सीप आर्जन गर्न सफल भएको कार्यक्रमका संयोजक रेवन्त ढकालले बताउनुभयो । कक्षा १२ देखि नै बहसकला र मिसिल लेखनमा ज्ञान आर्जन गर्दै जाने हो भने यसले भावी दिनमा विद्यार्थीहरुलाई उत्कृष्ट वकिलको रुपमा विकास गर्न मद्यत पु¥याउने संयोजक ढकालको भनाइ छ ।
कानुनका विद्यार्थीलाई लक्षित गरेर लेक्स नेपाल इन्स्टिच्युट अफ लले विभिन्न सीप मुलक कार्यक्रमहरु आयोजना गर्दै आएकोमा यो प्रतियोगिताले विद्यार्थीमा सकरात्मक उर्जा बढाएको लेक्स नेपालका निर्देशक अधिवक्ता यज्ञराज पाण्डेले बताउनुभयो । भविष्यको दक्ष वकिल बन्नका निम्ति यस्ता सीपमूलक अभ्यास अदालत प्रतियोगिताले अहम् भूमिका खेल्ने भएकाले विद्यार्थीहरुको व्यक्तित्व विकास एवम् सीप आर्जनमा सहयोग पुग्ने अधिवक्ता पाण्डेको दावी छ ।
आयोजक संस्था सुदूरपश्चि कानुन विद्यार्थी समाज सुदूरपश्चिमा स्थायी वसोवास भइ विभिन्न ठाउँमा कानुन अध्ययन गरिरहेका विद्यार्थीहरुको साझा संस्था हो । कानुनका विद्यार्थीहरुको सीप अभिवृद्धि एवम् शैक्षिक उन्नयनका लागि यसले कानुन सम्बन्धी विभिन्न कार्यक्रमहरु आयोजना गर्दै आइरहेको छ ।
